കാസര്‍ഗോഡ് ജില്ലയില്‍ SSLC പരീക്ഷയില്‍ എല്ലാ വിഷയങ്ങളിലും A+ ഗ്രേഡ് നേടുന്നവരുടെ എണ്ണം വര്‍ധിപ്പിക്കാനും ജില്ലാ വിദ്യാഭ്യാസ സമിതി ഇടപെടുന്നു. STEPS പദ്ധതിയുടെ ഭാഗമായി ഇതിനുള്ള വര്‍ക്ക്ഷോപ്പ് ഐ ടി @ സ്കൂളില്‍ നടന്നു. ഇംഗ്ലീഷ്, സോഷ്യല്‍ സയന്‍സ്, ഫിസിക്സ്, ഗണിതം എന്നീ വിഷയങ്ങളിലാണ് ഈ പദ്ധതി നടപ്പിലാക്കുന്നത്. കുട്ടികളെ പൊതുവില്‍ വിഷമിപ്പിക്കുന്ന വിഷയങ്ങളാണ് എന്നതിന്റെ അടിസ്ഥാനത്തിലാണ് ഇവ തെരഞ്ഞെടുത്തത്. കഴിഞ്ഞ ക്രിസ്മസ് പരീക്ഷയില്‍ മികച്ചു നിന്ന കുട്ടികള്‍ക്കാണ് ഈ പദ്ധതിയില്‍ പങ്കാളികളാവാന്‍ അവസരം. ഇവര്‍ക്ക് ഉപജില്ലാ കേന്ദ്രങ്ങളില്‍ വിദഗ്ധരായ അധ്യാപകര്‍ ക്ലാസുകള്‍ നല്‍കും. ഇതിനുള്ള മൊഡ്യൂള്‍ തയ്യാറാക്കുന്ന ശില്പശാല ഡയറ്റ് പ്രിന്‍സിപ്പല്‍ ഡോ. പി വി കൃഷ്ണകുമാര്‍ ഉദ്ഘാടനം ചെയ്തു.
കോര്‍ഡിനേറ്ററും ഡയറ്റ് സീനിയര്‍ ലക്ചററുമായ പി ഭാസ്കരന്‍ പ്രവര്‍ത്തന രൂപരേഖ അവതരിപ്പിച്ചു. ഡയറ്റ് ഫാക്കല്‍ട്ടി അംഗങ്ങളായ ഡോ. പി വി പുരുഷോത്തമന്‍, പി സുരേഷ്, ഡോ. രഘുറാംഭട്ട്, രാമചന്ദ്രന്‍ നായര്‍, എം വി ഗംഗാധരന്‍ എന്നിവരും തെരഞ്ഞെടുക്കപ്പെട്ട റിസോഴ്സ് അധ്യാപകരും പങ്കെടുത്തു.
കോര്‍ഡിനേറ്ററും ഡയറ്റ് സീനിയര്‍ ലക്ചററുമായ പി ഭാസ്കരന്‍ പ്രവര്‍ത്തന രൂപരേഖ അവതരിപ്പിച്ചു. ഡയറ്റ് ഫാക്കല്‍ട്ടി അംഗങ്ങളായ ഡോ. പി വി പുരുഷോത്തമന്‍, പി സുരേഷ്, ഡോ. രഘുറാംഭട്ട്, രാമചന്ദ്രന്‍ നായര്‍, എം വി ഗംഗാധരന്‍ എന്നിവരും തെരഞ്ഞെടുക്കപ്പെട്ട റിസോഴ്സ് അധ്യാപകരും പങ്കെടുത്തു.
