ഫ്ലാഷ് ന്യൂസ്

....2018-19 വര്‍ഷത്തെ P A C യോഗം 27-09-2018 ന് ഡയറ്റ് മായിപ്പാടിയില്‍ വച്ച് നടന്നു......

Tuesday 20 October 2015

ഐ എസ് എം സെമിനാര്‍

ഈ വര്‍ഷത്തെ രണ്ടാമത്തെ ഐ എസ് എം സെമിനാര്‍ ഐ ടി @ സ്കൂളില്‍ വെച്ച് 20. 10. 2015 ന് നടന്നു. ജില്ലാ വിദ്യാഭ്യാസ ഉപഡയറക്റ്റര്‍ സൗമിനി കല്ലത്ത് ഉദ്ഘാടനം നിര്‍വഹിച്ചു. ഡയറ്റ് പ്രിന്‍സിപ്പല്‍ ഡോ. പി വി കൃഷ്ണകുമാര്‍ ആധ്യക്ഷം വഹിച്ചു.
ഡയറ്റ് സീനിയര്‍ ലക്ചറര്‍ ടി ആര്‍ ജനാര്‍ദനന്‍ ആമുഖാവതരണം നടത്തി. ഐ എസ് എം ടീം അംഗങ്ങളായ രവീന്ദ്രനാഥ റാവു (എ ഇ ഒ കാസര്‍ഗോഡ്), ഹെലന്‍ (എ ഇ ഒ ചിറ്റാരിക്കല്‍), ടി എം രാമനാഥന്‍ (ഡയറ്റ്), രാമചന്ദ്രന്‍ നായര്‍ (ഡയറ്റ്), ഡോ. പി വി പുരുഷോത്തമന്‍ (ഡയറ്റ്) എന്നിവര്‍ വിലയിരുത്തലുകള്‍ അവതരിപ്പിച്ചു.
വിവിധ സ്കൂള്‍ പി ടി എ പ്രസിഡന്റുമാര്‍, മാതൃസമിതി പ്രസിഡന്റുമാര്‍, പ്രധാനാധ്യാപകര്‍, എസ് ആര്‍ ജി കണ്‍വീനര്‍മാര്‍ എന്നിവര്‍ പ്രതികരണങ്ങള്‍ അവതരിപ്പിച്ചു. സ്കൂള്‍ പ്രവര്‍ത്തനങ്ങള്‍ മെച്ചപ്പെടുത്താന്‍ അവര്‍ ആവിഷ്കരിച്ചിട്ടുള്ള വിവിധ പരിപാടികള്‍ വിശദീകരിച്ചു. ഇത്തരം സന്ദര്‍ശനങ്ങള്‍ തുടര്‍ന്നും ഉണ്ടാവണമെന്ന് എല്ലാവരും അഭിപ്രായപ്പെട്ടു.
സീനിയര്‍ ലക്ചറര്‍ രാമചന്ദ്രന്‍ നായര്‍ ചര്‍ച്ച ക്രോഡീകരിച്ചു. സ്കൂള്‍ ഇനിയും മെച്ചപ്പെടുത്താന്‍ ഉതകുന്ന ഭാവിപരിപാടികള്‍ ആവിഷ്കരിക്കണമെന്ന ആഹ്വനത്തോടെ യോഗം പിരിഞ്ഞു.



No comments:

Post a Comment