ഫ്ലാഷ് ന്യൂസ്

....2018-19 വര്‍ഷത്തെ P A C യോഗം 27-09-2018 ന് ഡയറ്റ് മായിപ്പാടിയില്‍ വച്ച് നടന്നു......

Wednesday 29 July 2015

പുതുതായി നിയമനം ലഭിച്ച പ്രധാനാധ്യാപകര്‍ക്കുള്ള പരിശീലനം


പുതുതായി പ്രധാനാധ്യാപകരായ നിയമനം ലഭിച്ച അധ്യാപകര്‍ക്കുള്ള മൂന്നു ദിവസത്തെ പരിശീലനം ഐടി സ്ക്കൂളില്‍ ആരംഭിച്ചു. ജില്ലാ വിദ്യാഭ്യാസ ഉപഡയറക്ടര്‍ ശ്രീ സി രാഘവന്‍ പരിശീലനം ഉദ്ഘാടനം ചെയ്തു. ‍ഡയറ്റ് സീനിയര്‍ ലക്ചര്‍ കെ. രാമചന്ദ്രന്‍ നായര്‍ സ്വാഗതം പറഞ്ഞ ചടങ്ങില്‍ ഡയറ്റ് സീനിയര്‍ ലക്ചര്‍ ഡോ. പി വി പുരുഷോത്തമന്‍ അധ്യക്ഷനായിരുന്നു. കാസര്‍കോട് ഉപജില്ലാ വിദ്യാഭ്യാസ ആഫീസര്‍ ശ്രീ രവിന്ദ്രറാവു, ഐടിസ്ക്കൂള്‍ജില്ലാ കോ ഓര്‍ഡിനേറ്റര്‍ ശ്രീ എം പി രാജേഷ്, കാസര്‍ഗോഡ് ജില്ലാവിദ്യാഭ്യാസ ആഫീസര്‍ ശ്രീ ഇ വേണുഗോപാലന്‍ എന്നിവര്‍ ആശംസ അര്‍പ്പിച്ചു സംസാരിച്ചു. ‍ഡയറ്റ് ലക്ചര്‍ കെ വിനോദ് കുമാര്‍ നന്ദി രേഖപ്പെടുത്തി.


ജില്ലയിലെ വിവിധ ഉപജില്ലകളില്‍ നിന്ന് എത്തിയ 61 അധ്യാപകര്‍ പരിശീലനത്തില്‍ പങ്കടുക്കുന്നുണ്ട്. ജില്ലാ വിദ്യാഭ്യാസ ഉപഡയറക്ടര്‍ ശ്രീ സി രാഘവന്‍ ഇന്‍സ്റ്റിറ്റ്യൂഷണല്‍ മാനേജ്മെന്റ് എന്ന വിഷയത്തിലും ഡയറ്റ് ലക്ചര്‍ കെ വിനോദ് കുമാര്‍ ടീം ബില്‍ഡിംഗ് ആന്റ് ലീഡര്‍ഷിപ്പ് എന്ന വിഷത്തിലും ചെറുവത്തൂര്‍ ഉപജില്ലാ വിദ്യാഭ്യാസ ആഫീസ് സീനിയര്‍ സൂപ്രണ്ട് ശ്രീ രവിനാഥ് ഓഫീസ് അഡ്മിനിസ്ട്രേഷന്‍ ആന്റ് രജിസ്ട്രേര്‍സ് എന്ന വിഷയത്തിലും ക്ലാസ്സുകള്‍ എടുത്തു. പരിശീലനം ജൂലൈ 31 വെള്ളി, ആഗസ്ത് 1 ശനി എന്നീ ദിവസങ്ങളില്‍തുടര്‍ന്നു നടക്കും.

Tuesday 28 July 2015

LENS – 2015 ശില്പശാല


ഡയറ്റിന്റെ ആഭിമുഖ്യത്തില്‍ ഈ വര്‍ഷം സംഘടിപ്പിക്കുന്ന LENS ( Science Enrichment Programme For Schools in connection with Light & Soils Year) പദ്ധതിയുടെ ഉള്ളടക്കത്തെ സംബന്ധിച്ചും നടത്തിപ്പിനെ കുറിച്ചും ആശയരൂപീകരണം നടത്തുന്നതിനുള്ള ഏകദിന ശില്പശാല പടന്നക്കാട് കാര്‍ഷിക സര്‍വകലാശാലയില്‍ നടന്നു.
കോര്‍ഡിനേറ്റര്‍ ഡോ. രഘുറാം ഭട്ട് സ്വാഗതം പറഞ്ഞു. ഡയറ്റ് പ്രിന്‍സിപ്പല്‍ ഡോ. കൃഷ്ണകുമാറിന്റെ അധ്യക്ഷതയില്‍ കാര്‍ഷിക കോളേജ് അസോസിയേറ്റ് ഡീന്‍
ഡോ. എം ഗോവിന്ദന്‍ ശില്പശാല ഉദ്ഘാടനം ചെയ്തു. ഡയറ്റ് ഫാക്കല്‍ട്ടി മെമ്പര്‍ പി ഭാസ്കരന്‍ ചടങ്ങില്‍ പങ്കെടുത്തവര്‍ക്ക് നന്ദി പറഞ്ഞു.
രണ്ടാമത്തെ സെഷനില്‍ പരിപാടിയെ സംബന്ധിച്ച വിഷയാവതരണം ഡയറ്റ് ഫാക്കല്‍ട്ടി ഡോ. പി വി പുരുഷോത്തമന്‍ നടത്തി. തുടര്‍ന്ന് പരിപാടിയെ സംബന്ധിച്ച് നടന്ന ചര്‍ച്ചയില്‍ ഡോ. പി ആര്‍ സുരേഷ് (ഡിപ്പാര്‍ട്ട്മെന്റ് ഓഫ് സോയില്‍ സയന്‍സ്, കാര്‍ഷിക കോളേജ്), ഡോ. ഉദയാനന്ദന്‍ (ഡിപ്പാര്‍ട്ട്മെന്റ് ഓഫ് ഫിസിക്സ്, നെഹ്റു കോളേജ്),ഡോ. ഉണ്ണികൃഷ്ണന്‍ യു (ഡിപ്പാര്‍ട്ട്മെന്റ് ഓഫ് എന്‍വയോണ്‍മെന്റ് സയന്‍സ്, സെന്‍ട്രല്‍ യൂണിവേഴ്സ്സിറ്റി ഓഫ് കേരള), പ്രൊഫ. എം ഗോപാലന്‍ (റിട്ടയേര്‍ഡ് പ്രൊഫസര്‍) എന്നിവര്‍ പങ്കെടുത്തു.
ഉച്ചയ്ക്കുശേഷം നടന്ന ഗ്രൂപ്പ് ചര്‍ച്ചയില്‍ ഇരുപതോളം വിദഗ്ധാധ്യാപകര്‍ പങ്കെടുത്തു. ഡോ. കെ എം ശ്രീകുമാര്‍, പ്രൊഫ. ഗോപാലന്‍ എന്നിവര്‍ ഇടപെട്ടു സംസാരിച്ചു. ഡോ. രഘുറാം ഭട്ട് ചര്‍ച്ചകള്‍ ക്രോഡീകരിച്ചു സംസാരിച്ചു. വരുന്ന ആറുമാസം വര്‍ഷാചരണവുമായി ബന്ധപ്പെട്ട് സ്കൂളുകളില്‍ നടക്കേണ്ട പരിപാടികള്‍ക്ക് ഉടന്‍ അന്തിമരൂപം നല്‍കും. അധ്യാപകപരിശീലനം, ഹാന്റ് ഔട്ട് നിര്‍മാണം തുടങ്ങിയ പരിപാടികളുടെ നിര്‍ദേശം വന്നു.





Saturday 25 July 2015

TERMS പ്രവര്‍ത്തനോത്ഘാടനം


കാസര്‍ഗോഡ് ഡയറ്റും ഐ ടി @ സ്കൂളും ചേര്‍ന്ന് ഈ വര്‍ഷം നടപ്പിലാക്കുന്ന നൂതനസംരംഭമായ TERMS (E-Resourse Management System for Teachers) ന്റെ ആശയരൂപീകരണ ശില്പശാലയ്ക്ക് തുടക്കമായി. ഡയറ്റ് പ്രിന്‍സിപ്പലിന്റെ സാന്നിധ്യത്തില്‍ ഡിഡിഇ സി രാഘവന്‍ ഉദ്ഘാടനം നിര്‍വഹിച്ചു.  സ്കൂള്‍ വിദ്യാഭ്യാസ മേഖലയ്ക്ക് കാസര്‍ഗോഡ് ജില്ല ഈ വര്‍ഷം നല്‍കുന്ന മികച്ച സംഭാവനയാണ് ഈ സംരംഭമെന്ന് അദ്ദേഹം പറഞ്ഞു. ഇതിനു മുന്‍കൈയെടുത്ത ഡയറ്റിനെയും അതിന് എല്ലാവിധ സാങ്കേതിക പിന്തുണയും നല്‍കുന്ന ഐ ടി @ സ്കൂളിനെയും അദ്ദേഹം അഭിനന്ദിച്ചു.
ഡിഇഒ ഇ വേണുഗോപാലന്‍, ഐ ടി @ സ്കൂള്‍ ജില്ലാ കോര്‍ഡിനേറ്റര്‍ എം പി രാജേഷ്, ഡയറ്റ് ഫാക്കല്‍ട്ടി അംഗങ്ങളായ ഡോ പി വി പുരുഷോത്തമന്‍, കെ വിനോദ്കുമാര്‍ എന്നിവരും തദവസരത്തില്‍ സന്നിഹിതരായിരുന്നു.
എം പി രാജേഷ്, ഡോ. പി വി പുരുഷോത്തമന്‍, കെ വിനോദ്കുമാര്‍, കെ ശങ്കരന്‍, പി രാജന്‍, വി കെ വിജയന്‍ എന്നിവര്‍ പരിശീലനത്തിന് നേതൃത്വം നല്‍കി.
വിഷയവിദഗ്ധരായ 35 അധ്യാപകര്‍ ശില്പശാലയില്‍ പങ്കെടുത്തു.
ഹൈസ്കൂള്‍ ക്ലാസുകളിലെ മലയാളം, കന്നട, ഇംഗ്ലീഷ്, ഹിന്ദി, ഫിസിക്സ്, കെമിസ്ട്രി, ബയോളജി, സോഷ്യല്‍ സയന്‍സ്, ഗണിതം, കലാവിദ്യാഭ്യാസം, പ്രവൃത്തിപരിചയം, കായികവിദ്യാഭ്യാസം എന്നീ വിഷയങ്ങളുമായി ബന്ധപ്പെട്ട് ഉപയോഗപ്പെടുത്താവുന്ന വിവിധ പഠനവിഭവങ്ങളടങ്ങിയ ബ്ലോഗുകളുടെ ഒരു സമാഹാരമാണ് TERMS ലൂടെ യാഥാര്‍ഥ്യമാവുക. രണ്ടാംഘട്ട ശില്പശാല ആഗസ്റ്റ് 7, 8 തീയതികളില്‍ നടക്കും.

Tuesday 21 July 2015

പ്രിയ അനസ് മാഷിന് സ്നേഹാഞ്ജലികള്‍

ഡയറ്റ് ലാബ് സ്കൂളിലെ പ്രഗല്‍ഭനായ അധ്യാപകനും ഏവര്‍ക്കും പ്രിയപ്പെട്ടവനുമായ ‍ഞങ്ങളുടെ പ്രിയ അനസ് മാസ്റ്റര്‍ ജൂലായ് 18 ന് നമ്മെ വിട്ടുപിരിഞ്ഞ വിവരം വേദനയോടെ പങ്കുവെക്കുന്നു. അദ്ദേഹത്തിന്റെ സ്നേഹസ്മരണയ്ക്കുമുമ്പില്‍ ആദരാഞ്ജലികള്‍ അര്‍പ്പിക്കുന്നു.


Thursday 16 July 2015

ക്ലസ്റ്റര്‍ ഡി ആര്‍ ജി

2015 ജൂലൈ 21 മുതല്‍ 28 വരെ നടക്കുന്ന ക്ലസ്റ്റര്‍ പരിശീലനത്തിന്റെ ഹൈസ്കൂള്‍ വിഭാഗം ഡി ആര്‍ ജി തയ്യാറെടുപ്പ് കാസര്‍ഗോഡ് ജി യു പി എസ് ഹാളില്‍ രണ്ടുദിവസമായി നടന്നു. ഒന്നാം ദിവസത്തെ പരിശീലനം കാസര്‍ഗോഡ് ഡിഇഒ ഇ വേണുഗോപാലനും രണ്ടാം ദിവസത്തേത് ആര്‍ എം എസ് എ അസിസ്റ്റന്റ് പ്രോജക്റ്റ് ഓഫീസര്‍ രാമചന്ദ്രന്‍ വി വി യും ഉദ്ഘാടനം ചെയ്തു. പരിശീലനത്തിന് ഡയറ്റ് ഫാക്കല്‍ട്ടികളായ പി ഭാസ്കരന്‍, ഡോ. പി വി പുരുഷോത്തമന്‍, ടി എം രാമനാഥന്‍, ടി ആര്‍ ജനാര്‍ദ്ദനന്‍, ഡോ. രഘുറാം ഭട്ട്, എസ് ആര്‍ ജിമാരായ സതികുമാര്‍, പ്രമോദ് അടുത്തില എന്നിവര്‍ നേതൃത്വം നല്‍കി.




സംസ്ഥാന തലത്തില്‍ ലഭിച്ച മൊഡ്യൂളിനെ പ്രാദേശിക ആവശ്യങ്ങള്‍ക്കമുസരിച്ച് ഭേദഗതി വരുത്തി മെച്ചപ്പെടുത്തി. സ്കൂള്‍ ബ്ലോഗുകളെ സജീവമാക്കാനും ബ്ലോഗ് വഴിയുള്ള റിസോഴ്സ് ഷെയറിങ്ങ് ശക്തമാക്കാനും STEPS മായി ബന്ധപ്പെട്ട ഗൃഹസര്‍വേ ജൂലൈ 31 നകം പൂര്‍ത്തീകരിക്കാനുമുള്ള തീരുമാനങ്ങള്‍ ഫലപ്രാപ്തിയിലെത്തിക്കാന്‍ അധ്യാപകരുടെ സഹകരണം തേടും. ദിനാചരണങ്ങ‍ള്‍, ക്ലബ്ബ് പ്രവര്‍ത്തനങ്ങള്‍, യൂണിറ്റ് മൂല്യനിര്‍ണയം തുടങ്ങിയവ മെച്ചപ്പെടുത്താനുള്ള തയ്യാറെടുപ്പുകള്‍ ക്ലസ്റ്ററില്‍ നടക്കും. ഒപ്പം അടുത്ത മാസത്തേക്കുള്ള സമഗ്രാസൂത്രണം, യൂണിറ്റ് ടെസ്റ്റിന്റെ ഒരുക്കം, സാമ്പിള്‍ ടീച്ചിങ്ങ് മാനുവല്‍ തയ്യാറാക്കല്‍ എന്നിവയ്ക്ക് ഊന്നല്‍ നല്‍കാനും തീരുമാനിച്ചു. ക്ലസ്റ്ററിന് വരുന്ന അധ്യാപകര്‍ TB, HB.TM,  ഉത്പന്നങ്ങളുടെ സാമ്പിളുകള്‍  തുടങ്ങിയവ കൊണ്ടുവരണം.

റിസോഴ്സ് ഷെയറിങ്ങ് ശക്തിപ്പെടുത്താന്‍ വിഷയാധിഷ്ഠിത റിസോഴ്സ് ബ്ലോഗുകള്‍ തയ്യാറാക്കുന്ന പദ്ധതിയെ കുറിച്ചുള്ള വിവരവും അധ്യാപകര്‍ക്ക് ക്ലസ്റ്ററില്‍ നല്‍കാന്‍ തീരുമാനിച്ചു.

Wednesday 8 July 2015

ഡി എഡ് പരിശീലനം ആരംഭിച്ചു

ഡയറ്റിലെ ഡി എഡ് ട്രെയിനികളുടെ അഞ്ചുദിവസത്തെ കമ്പ്യൂട്ടര്‍ പരിശീലനം ഐ ടി @ സ്കൂളില്‍ ആരംഭിച്ചു. കന്നട, മലയാളം ബാച്ചുകളിലെ എഴുപത് പേരാണ് പരിശീലനത്തില്‍ പങ്കെടുക്കുന്നത്. ക്ലാസ്മുറിയില്‍ ഐ സി ടി സാധ്യതകള്‍ എങ്ങനെ ഉപയോഗിക്കാം എന്നതിലാണ് പരിശീലനം.
ഐ ടി @ സ്കൂള്‍ ജില്ലാ കോര്‍ഡിനേറ്റര്‍ എം പി രാജേഷ് ഉദ്ഘാടനം നിര്‍വഹിച്ചു. ഡയറ്റ് ഫാക്കല്‍ട്ടി ഗംഗാധരന്‍ മാസ്റ്റര്‍ അധ്യക്ഷനായിരുന്നു. ഡോ. പി വി പുരുഷോത്തമന്‍ സ്വാഗതവും വിജയന്‍ രാജപുരം നന്ദിയും പറഞ്ഞു.




Sunday 5 July 2015

ഗ്രന്ഥകാര ചിത്രശാലയും വേറിട്ട ബഷീര്‍ അനുസ്മരണവും

മികച്ച പി ടി എ അവാര്‍ഡ് നേടിക്കൊണ്ട് ജില്ലയുടെ അഭിമാനമായി മാറിയ കക്കാട്ട് സ്കൂള്‍ വീണ്ടും ജനശ്രദ്ധയിലേക്ക്. 
ഒന്നാമതായി മലയാള സാഹിത്യ ചരിത്രത്തിലെ മണ്‍മറഞ്ഞ മഹാരഥന്മാരുടെ ചിത്രങ്ങള്‍ ഉള്‍പ്പെടുത്തിയുള്ള ഒരു ചിത്രശാല കക്കാട്ട്  സ്കൂള്‍ ലൈബ്രറിയില്‍ ഒരുങ്ങിയിരിക്കുന്നു. അറുപതോളം പ്രമുഖ സാഹിത്യകാരന്മാരുടെ ചിത്രങ്ങള്‍ ഉള്‍പ്പെടുത്തിയാണ് ചിത്രശാല ഒരുക്കിയിട്ടുള്ളത്. 
രണ്ടാമതായി ബഷീറിന്റെ കൈപ്പടയുടെ പകര്‍പ്പ് എല്ലാ കുട്ടികള്‍ക്കും സമ്മാനിച്ചു. 
ഒപ്പം 'നന്മയുടെ അനര്‍ഘനിമിഷങ്ങള്‍''എന്ന ബഷീര്‍ഫോട്ടോ പ്രദര്‍ശനം,
 ''ബഷീര്‍ ദ മേന്‍'' ചലച്ചിത്രത്തിന്റെ സ്ക്രീനിംഗ്,
 ബഷീര്‍കഥാവായന തുടങ്ങിയ വൈവിധ്യമാര്‍ന്ന അനേകം പരിപാടികളും. 
സംഘാടകരെ ആത്മാര്‍ഥമായി അഭിനന്ദിക്കാം.


ക്ലാസ് ലൈബ്രറികള്‍ എങ്ങനെ സജ്ജമാക്കാം ?

വീണ്ടുമൊരു വായനാദിനം കഴിഞ്ഞു. ഒരുവ്ര‍ഷത്തെ സ്കൂള്‍ വായനാപദ്ധതി രൂപപ്പെടുത്താന്‍ സഹായിക്കുമ്പോഴേ വായനാദിനം അര്‍ഥവത്താകൂ. സ്കൂള്‍ ലൈബ്രറിക്കൊപ്പം ശക്തിപ്പെടേണ്ടതാണ് ക്ലാസ് വായനാമുറി. ഇക്കാര്യത്തില്‍ ശക്തമായ ഒരു മുന്നേറ്റത്തിന് തുടക്കമിട്ടിരിക്കുകയാണ് നമ്മുടെ ജില്ലയിലെ തന്നെ കാനത്തൂര്‍ ഗവ. യു പി സ്കൂള്‍.
ആ അനുഭവത്തിലേക്കു പോകാം.

കുട്ടികളെ വായനയിലേക്കു നയിക്കാന്‍

ക്ലാസ് ലൈബ്രറികള്‍

 

ഡിജിറ്റല്‍ ക്ലാസ്‍മുറി

ISM ന്റെ ഭാഗമായി VPPMKPSGVHSS തൃക്കരിപ്പൂരില്‍  ചെന്നപ്പോള്‍ പത്താം ക്ലാസിലെ നാല് ക്ലാസ്‍മുറികളും ഡിജിറ്റലായിരുന്നെങ്കില്‍ എന്ന അഭിപ്രായം എസ് ആര്‍ ജി കണ്‍വീനര്‍ കൂടിയായ അധ്യാപകന്‍ പ്രകടിപ്പിക്കുകയുണ്ടായി. തൃക്കരിപ്പൂര്‍ പോലുള്ള ഒരു പ്രദേശത്ത് ഇത് അസാധ്യമൊന്നുമല്ല. സ്കൂളിനെ സഹായിക്കാന്‍ സുമനസ്സുള്ള ഒട്ടേറെപ്പേര്‍ ആ നാട്ടില്‍ ഉണ്ടാകുമെന്നു തീര്‍ച്ച. അതിനായി ശക്തമായ ഒരു ശ്രമം സ്കൂളിന്റെ ഭാഗത്തുനിന്ന് ഉണ്ടാവണമെന്നു മാത്രം. എം എല്‍ എ യുടെയും മറ്റും സഹായത്തോടെ ഈ ലക്ഷ്യം നേടിയ ഒരു എല്‍ പി സ്കൂളിന്റെ അനുഭവം ഇവിടെയുള്ള ലിങ്കില്‍ ഉണ്ട്. ഒരുപക്ഷേ വളരെ അവിശ്വസനീയമായ ഒന്ന്. നമ്മുടെ നാട്ടിലും ഇതൊക്കെ സാധിക്കും എന്നതിന് നല്ല ഉദാഹരണം.

വഴി തെളിച്ച് കാപ്പ് സ്കൂള്‍ (എറണാകുളം ജില്ല)